झापा । 

झापाको काँकरभिट्टाबाट लागू औषधसहित एक जना पक्राउ परेका छन् ।  मेचीनगर नगरपालिका ६ पुरानो मेचीपुलबाट खैरो हेरोइन कनकाई नगरपालिका–६ का ३४ बर्षिय बिक्रम हस्दालाई प्रहरीले पक्राउ गरेको हो । 

मेचीनगरको लागू औषध नियन्त्रण व्यूरो काँकरभिट्टाबाट खटिएको प्रहरी टोलीले शनिवार साँझ ५ बजेको समयमा हस्दालाई नियन्त्रणमा लिएको छ । 

 भारतको पानीट्याङ्कीबाट पैदल नेपालतर्फ आउँदै गरेको हस्दालाई शंका लागेर शरीर तलासी लिँदा मलद्धारमा प्लाष्टिक बाहेक ५ ग्राम ६०० मिलिग्राम लागू औषध अर्थात खैरो हेरोइन फेला परेको थियो ।

उनलाई लागू औषधसहित नियन्त्रण गरी आवश्यक कारवाहीको लागि इलाका प्रहरी कार्यालय काँकरभिट्टामा ल्याएर राखिएको छ । हस्दाको सो सम्बन्धमा थप अनुसन्धान कार्य भईरहेको जिल्ला प्रहरी कार्यालय झापाले जनाएको छ ।