झापा ।  

झापाको मेचिनगर नगरपालिका वडा नम्वर ६ काँकरभिट्टा भएको आगलागीमा सात लाख रुपैयाँ बराबरको क्षति भएको छ । गएराति ८ः३० बजेको समयमा भएको आगजनी हुँदा ७ लाख बराबरको धनमालको क्षति भएको हो । 

मेचीनगर–६ का प्रेम गुरुङको सिमेन्टको पक्की पाँच तले घरको भुई तल्लास्थित न्यू सागर होटलको फ्रिजबाट अचानक बिद्युत सर्ट भएर आगलागी भएको थियो । 

आगलागी भएको जानकारी प्राप्त हुन साथ तत्काल प्रहरी टोली, स्थानियवासी र मेचीनगर नगरपालिकाको दुई वटा दमकलको सहयोगमा ९ बजे पूर्ण रुपमा नियन्त्रणमा आएको थियो ।

आगलागीबाट होटल भित्र रहेको भाडाबर्तन, फ्रिज, अन्य फर्निचर लगायतका सर–सामानहरु पूर्ण रुपले जलेर नष्ट हुँदा अन्दाजी ७ लाख बरावरको क्षति भएको प्रहरीले जनाएको छ । आगलागी सम्बन्धमा थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।