झापा ।  

झापाको मेचीनगर नगरपालिका वडा नम्बर ६ स्थित पुरानो मेचीपुलबाट लागू औषधसहित एक जना पक्राउ परेका छन् । 

भारतबाट नेपालतर्फ आउँंदै गरेका धनुषाको मिथिला नगरपालिका वडा नम्बर ९ का २८ बर्षिय श्यामबहादुर लोप्चनलाई सोमवार साँझ ७ः१० बजेको समयमा लागू औषधसहित प्रहरीले पक्राउ गरेको हो । 

लागू औषध नियन्त्रण ब्यूरो काँकरभिट्टा झापाबाट खटिएको प्रहरी टोलीले शंका लागेर चेकजाँच उनले प्लाष्टिकमा पोका पारी लुकाई छिपाई ल्याउदै गरेको प्रतिबन्धित लागू औषध खैरो हेरोईन प्लाष्टिक बाहेक ३५ ग्राम  फेला परेको प्रहरीले जनाएको छ । 

उनलाई उक्त लागू औषधसहित नियन्त्रण गरेर इलाका प्रहरी कार्यालय काकरभिट्टामा राखेर थप अनुसन्धान कार्य  भइरहेको जिल्ला प्रहरी कार्यालय झापाले जनाएको छ ।