झापा । 

झापाको मेचीनगर गरपालिका वडा नम्बर १० का दुई छिमेकीमार्थि खुकुरी प्रहार गर्ने सोही स्थानका ३२ वर्षीय मदन नेपालीलाई प्रहरीले पक्राउ गरेको छ ।


नेपालीले गएराति ९ बजेतिर मादक पदार्थ सेवन गरेर छिमेकी २४ वर्षीय अरण कवर र ३८ वर्षीय जुरेन कवरमाथि खुकुरी प्रहार गरेका थिए ।  खुकुरी प्रहारबाट अरुणको टाउको र देब्रे हातमा चोट लागेको छ भने जुरेनको तल्लो ओठमा चोट लागेको छ ।


घाइतेहरुलाई उपचारका लागि मनमोहन हस्पिटल बिर्तामोडमा ल्याएर उपचार भइरहेको छ भने  खुकुरी प्रहार गर्ने नेपालीलाई पक्राउ गरी इलाका प्रहरी कार्यालय धुलावारीमा राखिएको जनाइएको छ ।