झापा ।

झापाको गौरादह नगरपालिका–३ बाट लागूऔषध ब्राउनसुगरसहित एक जनालाई प्रहरीले पक्राउ गरेको छ । इलाका प्रहरी कार्यालय गौरादहबाट खटिएको प्रहरी टोलीले गौरिगंजबाट दमकबाट तर्फ आउँदै गरेको को २७ प ३५४९ नम्बरको मोटरसाईकललाई रोकेर चेकजाँच गर्ने क्रममा प्रहरीले नियन्त्रणमा लिएको हो । 


पक्राउ पर्नेमा  कमल गाउँपालिका–५ का २१ बर्षीय दिपेन्द्र ताजपुरीया छन् । उनको साथबाट ९ ग्राम ९ मिलिग्राम लागूऔषध ब्राउनसुगर फेला पारी उनलाई नियन्त्रणमा लिएको हो । 


लागूऔषध ब्राउनसुगरसहित पक्राउ परेका ताजपुरीयाको सम्बन्धमा प्रहरीले थप अनुसन्धान गरिरहेको छ ।