झापा । 

झापाको गौरीगञ्ज गाउँपालिका वडा नम्बर ३ मा ७० बर्षिय एक बृद्धको शव सडेगलेको अवस्थामा फेला परेको छ । गौरीगञ्ज–३ स्थित कृपाल टोलीका स्थाई वासीन्दा राजेश सरवरिया मन्जलको घरमा बस्दै आएका दयानन्द सरवरिया मन्डल घरको पूर्वपटी कदमको रुखमुनी रहेको कलछेउमा मृत अवस्थामा फेला परेका हुन् । 

सव किरा परेर गनाउने अवस्थामा फेला परेपछि स्थानीयले आज (शनिवार) बिहान ८ः४५ बजेको समयमा देखेर गौरीगञ्ज इलाका प्रहरी कार्यालयमा खवर गरेका थिए । 

जानकारी पाए लगत्तै इलाका प्रहरी कार्यालयका प्रहरी निरिक्षक रामचन्द्र शाह, वडा नम्बर ३ का वडाध्यक्ष श्रवण गिरी, स्थानीय जनप्रतिनिधिहरुको रोबरमा उक्त सवलाई मुचुल्का प्रकिया पुरा गरी एम्वुलेसमा दमकतर्फ पोस्टमार्टमाका लागि  लाने तयारी भइरहेको प्रहरीले जनाएको छ । 

उक्त सवको स्थिति हेर्दा ४/५ दिन अगाडीदेखी मरेर किरा परेर सडेगलेको अवस्थामा भेटिएको स्थानीयले बताएका छन् । मृतक मण्डल दैनिक रक्सी खाएर हिड्ने गरेको स्थानीयले वताएका छन् ।