झापा ।  

झापाको अर्जुनधारा नगरपालिका वडा नम्बर ४ दहिझोडाबाट एउटा कटुवा पेस्तोलसहित एक जना पक्राउ परेका छन् । सोही स्थानका अन्दाजी ६२ बर्षिय इन्द्रबहादुर आङ्देम्बेलाई प्रहरीले मंगलबार राति ८ बजेको समयमा कटुवा पेस्तोलसहित नियन्त्रणमा लिएको हो । 

घरमा अवैध रुपमा हातहतियार लुकाई छिपाई राखेको भन्ने गोप्य सुचनाको आधारमा इलाका प्रहरी कार्यालय अनारमनीबाट खटिएको प्रहरी टोलीले उनको घर परिसरबाटै उक्त पेस्तोल फेला पारेको थियो । 

उनको तलासी लिने क्रममा घरदेखी अन्दाजी ५ मिटर दक्षिणमा रहेको कुखुराको खोरको कासको छानो भित्र पहेलो प्लास्टिकमा पोका पारी लुकाई छिपाई राखेको अवस्थामा एउटा कटुवा पेस्तोल फेला परेकोले बरामद गरी उनलाईसमेत नियन्त्रणमा लिएको प्रहरीले जनाएको छ ।

उनलाई इलाका इलाका प्रहरी कार्यालय अनारमनीमा राखेर थप अनुसन्धान कार्य  भइरहेको जिल्ला प्रहरी कार्यालय झापाले जनाएको छ ।