बिर्तामोड ।  

झापाको मेचीनगर नगरपालिका वडा नम्बर १३ कालिझोडास्थित पूर्व–पश्चिम राजमार्गमा भएको सवारी दुर्घटना घाइते तीन मध्ये दुई जनाको मृत्यु भएको छ । 


बिर्तामोडबाट चारआलीतर्फ आउँदै गरेको मे.६ प.८३२० नम्बरको मोटर साईकलले मंगलबार राती ८ः३० बजेको समयमा पैदलयात्रीलाई ठक्कर दिदा पैदलयात्रीको टाउकोमा चोट लागी गम्भीर घाइते भएका थिए । 


दुर्घटनामा अन्दाजी ३५÷३६ बर्षिय पुरुष पैदलयात्री तत्काल नाम र ठेगाना नखुलेका ती ब्यक्तिको बिर्तामोडस्थित बीएण्डसी अस्पतालमा उपचारको क्रममा राती १०ः३५ बजेको समयमा मृत्यु भएको थियो । अर्का मोटरसाइकलमा सवार घाइते मेचीनगर–९ का २५ बर्षिय सागर मेचेको पनि आज (बुधवार) २ बजेर ५ मिनेटको समयमा मृत्यु भएको प्रहरीले जनाएको छ । 


मोटर साईकलमा सवार मेचीनगर–९ का २९ बर्षिय मन्दिप मेचेको दुबै हात र खुट्टामा चोट, अवस्था बोल्न सक्ने मध्यम बीएण्डसी अस्पतालमा उपचार भइरहेको छ ।  मोटर साईकल प्रहरी चौकी चारआली झापाको नियन्त्रणमा रहेको र घटनाको बिषयमा थप अनुसन्धान भइरहेको जिल्ला प्रहरी कार्यालय झापाले जनाएको छ ।