बुट्टाबारी ।  

झापाको मेचीनगर नगरपालिका वडा नम्बर १३ कालिझोडास्थित पूर्व–पश्चिम राजमार्गमा सवारी दुर्घटना हुँदा एक जना पैदलयात्रीको मृत्यु भएको छ भने दुई जना घाइते भएका छन् । 

बिर्तामोडबाट चारआलीतर्फ आउँदै गरेको मे.६ प.८३२० नम्बरको मोटर साईकलले मंगलबार राती ८ः३० बजेको समयमा पैदलयात्रीलाई ठक्कर दिदा पैदलयात्रीको टाउकोमा चोट लागी गम्भीर घाइते भएका थिए । 

दुर्घटनामा पैदलयात्री तत्काल नाम र ठेगाना नखुलेका ती ब्यक्तिको बिर्तामोडस्थित बीएण्डसी अस्पतालमा उपचारको क्रममा राती १०ः३५ बजेको समयमा मृत्यु भएको छ । उनको हालसम्म सनाखत हुन नसकेको र शव अस्पतालमै रहेको प्रहरीले जनाएको छ । 

मोटर साईकलमा सवार मेचीनगर–९ का २९ बर्षिय मन्दिप मेचेको दुबै हात र खुट्टामा चोट, अवस्था बोल्न सक्ने मध्यम र सोहि मोटर साईकलमा सवार सोही स्थानका २५ बर्षिय सागर मेचेको टाउकोमा चोट अवस्था गम्भीर रहेको छ । घाइते दुवै जनाको बीएण्डसी अस्पतालमा उपचार भइरहेको छ । 

। मोटर साईकल प्रहरी चौकी चारआली झापाको नियन्त्रणमा रहेको र घटनाको बिषयमा थप अनुसन्धान भइरहेको प्रहरीले जनाएको छ ।