झापा । 

झापाबाट पेस्तोलसहित एक जना पक्राउ परेका छन् । दमक नगरपालिका वडा नम्बर ५ बानेश्वर हाईट मार्ग जाने भित्री सडक खण्डबाट दमक–८ का ३६ बर्षिय   संजिव गजमेर पेस्तोल र २ थान म्याग्जिनसहित पक्राउ परेका छन् । 


आज (सोमवार)  बिहान ३ः५५ बजेको समयमा बिशेष सुचनाको आधारमा इलाका प्रहरी कार्यालय दमकबाट खटिएको प्रहरी टोलीले को. ३८ प.५६४९ नं. को स्कुटरलाई रोकेर चेकजाँच गर्ने क्रममा गजमेरलाई नियन्त्रण गरिएको हो । 


स्कुटरको अगाडि चावी लगाउने भागको तल सामान राख्ने खाली भागमा लुकाई छिपाई राखेको दाहिने भागमा 7657 Round No 02 र बायाँ भागमा Special Made In Italy Automsial लेखिएको खैरो रङको कभर सहितको पेस्तोल १ थान र स्कुटर चालकलाई समेत शरिर तलासी लिदा उनले लगाएको पेन्टको पछाडिको गोजीबाट No 02 लेखिएको म्याग्जिन थान २ फेला परेको प्रहरीले जनाएको छ । 


पेस्तोल र म्याग्जिनसहित नियन्त्रण गरिएका उनलाई स्कुटरसहित इलाका प्रहरी कार्यालय दमकमा राखेर थप अनुसन्धान भइरहेको जिल्ला प्रहरी कार्यालय झापाले जनाएको छ ।