झापा ।
झापा हल्दीवारी गाउँपालिका वडा नम्वर ५ सोडागान्धि चोकस्थित हुलाकी मार्गमा साँझ ७ः१५ बजेको समयमा भएको सवारी दुर्घटनामा दुई जनाको मृत्यु भएको छ ।
राजगढवाट जलथलतर्फ आउँदै गरेको गरेको मे १ ज ३२६१ नं. को पिकअप गाडीले जलथलवाट राजगढतर्फ जाँदै गरेको मे ९ प ९६८५ नम्वरको मोटरसाईकललाई ठक्कर दिदा मोटर साइकलमा सवार उनीहरु घाइते भएका थिए ।
मृत्यु हुनेमा मोटरसाईकलमा सवार हल्दीवारी–५ का ३० बर्षिय प्रेम प्रसाई र मृतकका साला सुनसरी बराहक्षेत्र नगरपालिका वडा नं. १० प्रकाशपुरका २१ बर्षिय डिकेश कार्की छन् । उनीहरुको शरिरको विभिन्न भागमा चोट लागि गम्भीर घाईते भएका थिए ।
घाइते उनीहरुलाई उपचारको लागि बीएण्डसी अस्पताल विर्तामोड पठाईएकोमा उपचारको क्रममा साँज ८ बजे अस्पतालका चिकित्सकले दुवैलाई मृत घोषणा गरेको प्रहरीले जनाएको छ ।
पिकअप र पिकअप चालक भद्रपुर नगरपालिका वडा नम्वर २ का ३७ बर्षिय दिपेन राई जिल्ला प्रहरी कार्यालय झापाको नियन्त्रणमा रहेका छन् । सो सम्बन्धमा थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।
_1642945611.jpg)
