काँकरभिट्टा । 

झापाको बिर्तामोड नगरपालिका वडा नम्बर १०  का ३४ बर्षिय बिशाल गुरुङ लागूऔषधसहित पक्राउ परेका छन् । गुरुङ आज (बिहीवार) मेचीनगर नगरपालिका वडा नम्बर ६ स्थित पुरानो मेचीपुलबाट खैरो हेरोइनसहित पक्राउ परेका हुन् । 


लागू–औषध नियन्त्रण ब्युरो काँकरभिट्टा र इलाका प्रहरी कार्यालय काँकरभिट्टाबाट खटिएको प्रहरी टोलीले भारतबाट नेपालतर्फ आउँदै गरेको प्रदेश.१–०१–०१७ प. ५८६ नम्बरको स्टुकर रोकेर चेकजाँच गर्ने क्रममा गुरुङ पक्राउ परेका हुन् ।


उनीमाथि शंका लागेर चेकजाँच गर्दा खैनीको प्याकेट भित्र प्लाष्टिकले पोका पारेर लुकाएर ल्याउँदै गरेको प्रतिबन्धित लागू–औषध खैरो हेरोइन उनको साथमा भेटिएको प्रहरीले जनाएको छ । 


उनको साथबाट खैरो हेरोइन प्लाष्टिक बाहेक १  ग्राम ७० मिलिग्राम फेला परेकोले स्कुटरसहित नियन्त्रणमा लिएर इलाका प्रहरी कार्यालय काँकरभिट्टामा राखेर थप अनुसन्धान कार्य  भइरहेको जिल्ला प्रहरी कार्यालय झापाले जनाएको छ ।