झापा । 

झापाको दमक नगरपालीका वडा नम्बर ८ स्थित रतुवा खोलामा घुगी टिप्न पसेका एक जनाको खोलाले बगाएर मृत्यु भएको छ । 


शिवसताक्षी नगरपालीका वडा नम्बर ३ घर भई हाल दमक नगरपालीका वडा नम्बर ८ गंगा शिवाकोटीको घरमा डेरा गरी बस्ने ३६ बर्षिय राजु मण्डलको मृत्यु भएको हो । मण्डललाई बिहीवार ४ः४० बजेको समयमा खोलाले बताएको थियो । 


मण्डलसँगै घुगी खोज्न गएका सोही स्थानका अन्दाजी ४०/४२ का   तिलक बुढाथोकीले इलाका प्रहरी कार्यालय दमकमा जानकारी गराएका थिए । तीलकको जानकारी पाउनासाथ तत्काल इलाका प्रहरी कार्यालय दमक र शसस्त्र प्रहरी बल पाडाजुङगीबाट खटिएको संयुक्त प्रहरी टोलीले खोजतलाश शुरु गरेको थियो । 


खोजतलासकै क्रममा आज (बिहीवार) बिहान ९ः२० बजेको समयमा दमक–८ र १० छुट्याउने दिपिनी खोला र रतुवा खोलामा जोडिने दोभानमा मृत अवस्थामा फेला परेको प्रहरीले जनाएको छ । 


उक्त लाशको सम्पूर्ण कानुनी प्रकृया पुरा गरि पोष्टमाटमको लागि दमक अस्पताल दमकमा पठाइएको जिल्ला प्रहरी कार्यालय झापाले जनाएको छ ।