बिर्तामोड । 

झापाको बिर्तामोड नगरपालिका वडा नम्बर ६ मा धारिलो हतियार प्रहार गरी फरार दुई जनालाई प्रहरीले पक्राउ गरेको छ । बुधवार राती अन्दाजी ११ बजेको समयमा बिर्तामोड–६ मा फुलबारीको  व्यावसाय गरेर बस्ने भारतिय नागरिक अन्दाजी ३५ बर्षिय हविबुल स्लामलाई धारिलो हतियार प्रशार गरी फरार उनीहरुलाई पक्राउ गरिएको हो । 

धारिलो हतियार प्रहार गरी फरार रहेका इलाम घर बताउने हाल बिर्तामोड –५ बस्ने २१ बर्षिय भद्रबहादुर बस्नेत र ताप्लेजुङ फुङलिङ नगरपालिका वडा नं.६ घर बताई हाल बिर्तामोड–६ बस्ने २६ बर्षिय रोहन तामाङलाई प्रहरीले पक्राउ गरेको प्रहरीले जनाएको छ ।

उनीहरुले धारिलो हतियार छुरा प्रहार गरी हविबुल घाइते बनाएर फरार रहेका थिए । इलाका प्रहरी कार्यालय अनारमनी र अस्थाई प्रहरी पोष्ट बसपार्कबाट खटिएको प्रहरी टोलीले खोजतलाश गर्ने क्रममा बिहीवार राति १ः५० बजेको समयमा बिर्तामोड –५ स्थित सुगम पेट्रोल पम्प नजिकबाट पक्राउ गरेको हो । 

उनीहरुलाई इलाका प्रहरी कार्यालय अनारमनीमा राखेर थप अनुसन्धान  भइरहेको जिल्ला प्रहरी कार्यालय झापाले जनाएको छ । घाइते हविबुलको ढाड र कुम्ममा चोट देखिएको बीएण्डसी अस्पताल बिर्तामोडमा उपचार भइरहेको प्रहरीले जनाएको छ ।