झापा । 

झापा गौरादह नगरपालिका वडा नम्बर १ सितापुरी चोकस्थित भित्रि सडक खण्डमा भएको सवारी दुर्घटनमा एक जनाको मृत्यु भएको छ । 

आज (मंगलबार) साँझ ७ः१० बजेको समयमा रङ्गपुरबाट सितापुरी तर्फ जाँदै गरेको बा ७० प १८१ नम्बरको मोटरसाईकल र बिपरित दिशाबाट आउँदै गरेको मे ६ प ५८१ नं.को मोटरसाईकल एक आपसमा ठक्कीएर दुर्घटना भएको थियो । 

दुर्घटनमा बा ७० प १८१ नम्बरको मोटरसाइकल चालक झापा कमल गाँउपालिका वडा नं. ५ का २४ को सन्जोक भण्डारी र मे ६ प ५८१ नं. को मोटरसाईकल चालक जिल्ला गौरादह नगरपालिका वडा नं. १ का अन्दाजी २७÷२८ बर्षिय दुर्गा ताजपुरीया घाईते भएका थिए । 

घाइते दुबै जनालाई भई उपचारको लागि निम्स अस्पताल दमकमा ल्याएर उपचार गर्ने क्रममा सन्जोक भण्डारीलाई साँझ ७ः३० बजेको समयमा डाक्टरले मृत धोषणा गरेका छन् । लास सोहि अस्पतालमा रहेको छ भने अर्का मोटरसाइकल  चालक दुर्गा ताजपुरीयालाई थप उपचारको लागि बिर्तासिटि अस्पताल बिर्तामोड रेफर गरेको गरिएको प्रहरीले जनाएको छ । 

ताजपुरियाको अवस्था बोल्न सक्ने मध्यम रहेको र घटना स्थलमा इलाका प्रहरी कार्यालय गौरादहको टोली पुगेको साथै दुबै मोटरसाइकल इलाका प्रहरी कार्यालय  गौरादहको नियन्त्रणमा रहेको जिल्ला प्रहरी कार्यालय झापाले जनाएको छ ।