झापा ।

झापाको गौरादह नगरपालिका–१ सितापुरीमा भएको मोटरसाईकल दुर्घटनामा एक जनाको मृत्यु भएको छ । गत राती लु.९ प.१२७१ नम्बरको मोटरसाईकल आँफै अनियन्त्रित भई सडकको छेउमा रहेको बिजुलीको पोलमा ठक्कर दुर्घटना भएको थियो । 

उक्त सवारी दुर्घटनामा घाईते भएका मोटरसाईकलमा पछाडी सवार भारतका ४१ बर्षीय कमल ठाकुरको निम्स अस्पताल दमकमा उपचारको क्रममा मृत्यु भएको हो ।

घटनामा संलग्न मोटरसाईकल चालक स्थानीय ३३ बर्षीय गोपाल ठाकुरलाई नियन्त्रणमा लिएर घटना सम्बन्धमा थप अनुसन्धान भईरहेको जिल्ला प्रहरी कार्यालय झापाले जनाएको छ ।