विराटनगर ।

झापा, मोरङ र सुनसरी जिल्लाको छुट्टाछुट्टै स्थानबाट लागुऔषध सहित चार जनालाई प्रहरीले पक्राउ गरेको छ । झापाको  प्रहरी चौकी हल्दिबारीबाट खटिएको प्रहरी टोलीले हल्दिबारी–२ बाट को. ५ प ८४३९ नम्बरको मोटरसाईकल चालक २९ बर्षीय दिपक राजबंशीलाई ३ सय ग्राम गाँजासहित पक्राउ गरेको छ ।

त्यसैगरी सुनसरीको अस्थायी प्रहरी पोष्ट अमरहाटबाट खटिएको प्रहरी टोलीले धरान–१३ का २१ बर्षीय दिपेश जैसवाल र धरान–१५ का १९ बर्षीय किसान क्षेत्रीलाई ट्रामानिल २३ क्याप्सुल र नगद २८ हजार ४ सय रुपैँया सहित पक्राउ गरेको हो ।

 त्यस्तै जिल्ला प्रहरी कार्यालय मोरङ र इलाका प्रहरी कार्यालय रानीबाट खटिएको प्रहरी टोलीले कटहरी–१ का २२ बर्षीय सुरज मुखियालाई ७ मिलिग्राम ब्राउन सगुरसहित पक्राउ गरेको छ ।

लागूऔषधसहित पक्राउ परेका उनिहरुको सम्बन्धी प्रहरी कार्यालय थप अनुसन्धान गरिरहेको प्रहरीले जनाएको छ ।