झापा ।  

झापाको बिर्तामोड नगरपालिका वडा नम्बर ४ स्थित पश्चिम स्टेण्डबाट लागूऔषधसहित एक जनालाई प्रहरीले पक्राउ गरेको छ । आज (बिहीवार) साँझ ५ः३० बजेको समयमा दमक नगरपालिका वडा नम्बर ४ का २३ बर्षिय एलिन दर्नाल ब्राउन सुगरसहित पक्राउ परेका हुन् । 

इलाका प्रहरी कार्यालय अनारमनीबाट खटिएको क्यूआरटी टोलीले शंकास्पद अवस्थमा फेला पारी दर्नालाई चेकजाँच गर्दा कालो रंगको ट्रयाकको बायाँ गोजीमा सेतो रंगको प्लाष्टिकको पोका फेला परेको थियो । 

उक्त पोका खोली हेर्दा प्रतिवन्धित लागू औषध ब्राउन सुगर प्लाष्टिक बाहेक २ ग्राम फोला परेको प्रहरीले जनाएको छ । उनलाई  नियन्त्रणमा लिएर  थप अनुसन्धान भईरहेको  जिल्ला प्रहरी कार्यालय झापाले जनाएको छ ।