झापा ।  

झापाको बुद्धशान्ति गाँउपालिका वडा नम्वर–२ जयपुरमा आगलागी भएको छ । सोही स्थानका मनरथ पोखरेलको घर नजिकै रहेको काठ र टिनबाट बनेको गाई गोठमा बिद्युत सर्ट भई अचानक आगलागी भएको थियो । 

बुधवार राती अन्दाजी ८ः३० बजेको समयमा बिद्युत सर्ट भएर आगलागी भएको जिल्ला प्रहरी कार्यालय झापाले जनाएको छ । आगलागी भएको खबर इलाका प्रहरी कार्यालय बुधबारे प्राप्त हुन साथ प्रहरी टोली घटना स्थलमा गएको थियो ।

स्थानियवासी, घर परिवार, मेचिनगर नगपालिकाको दमकल, बिर्तामोड नगपालिकाको दमकल  र नेपाल प्रहरीको सहयोगमा राती ९ बजे आगो पुर्ण रुपमा नियन्त्रणमा आएको थियो । 

आगलागीबाट गाई गोठ, गोठमा राखेको पराल, सखुवाको काठ ३० क्यूफिट, कुटि काट्ने मेसिन र मकै ३० मन गरी अन्दाजी तिन लाख रुपैयाँ बराबरको क्षति भएको प्रहरीले जनाएको छ ।