झापा । 

सवारी दुर्घटनामा गम्भीर घाइते भएका एक जनाको मृत्यु भएको छ । गत असार १४ गते साँझ ७ः३० बजेको समयमा झापाको कमल गाउँपालिका वडा नम्बर ५ सावित्रा चोकस्थित पूर्व पश्चिम लोकमार्गमा भएको सवारी दुर्घटनाका गम्भीर घाइतेको उपचारका क्रममा शनिवार मृत्यु भएको हो । 

मृत्यु हुनेमा दुर्घटना हुने मोटरसाइकलको पछाडी सवार शिवसताक्षी नगरपालिका–२ का ४० बर्षिय नबिन आचार्य रहेका छन् ।  केर्खाबाट दमकतर्फ आउँदै गरेको प्र.१–०१–०१४ प ८९१४ नम्बरको मोटरसाईकले बाटो क्रश गर्दै गरेको अवस्थामा कुकुरलाई ठक्कर दिई दुर्घटना भएको थियो ।

दुर्घटनामा मोटरसाईकल चालक शिवसताक्षी नगरपालिका वडा नम्बर २ का २६ बर्षिय पदमबहादुर पौडेलको बाँया कुम्ममा चोट लागेर मध्यम अवस्थामा उपचारको लागि दमक निम्स अस्पतालमा लगिएको र उपचार भईरहेको छ । 

 पछाडी सवार आचार्यको टाउकोमा चोट लागेर गम्भीर अवस्थामा उपचारको लागि दमक निम्स अस्पतालमा समान्य उपचारपछि थप उपचारको लागि बीएण्डसी अस्पताल रेफर गरेकोमा उपचारको क्रममा मृत्यु भएको प्रहरीले जनाएको छ  । 

सो सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।