झापा ।  

गएराती झापाको मेचीनगर नगरपालिका वडा नम्बर १२ स्थित कालिझोडा सामुदायिक वनबाट अचानक निस्किएको एउटा जंगली हात्तीले एक जना महिलालाई आक्रमण गर्दा गम्भीर घाइते भएकी छिन् । 

शनिवार राती अन्दाजी ९ः३० बजेको समयमा जंगली हात्तीले आक्रमण गर्दा  मेचीनगर–१२ किँरात चौककी डिल्ली राईकी श्रीमती अन्दाजी ५२ बर्षिया भिममाया राई गम्भीर घाइते भएकी हुन् । 

पसलबाट घर आउने क्रममा कालिझोडा सामुदायिक वनबाट अचानक एउटा जंगली हात्ती बाटोमा निस्कीएर उनलाई आक्रमण गरी घाइते बनाएको प्रहरीले जनाएको छ । 

घाइते भएकी उनको बीएण्डसी अस्पताल बिर्तामोड झापामा उपचार हुँदै गरेको बताइएको छ । उनको बाँया खुट्टा र शरिरको बिभिन्न भागमा चोट, बोल्न सक्ने अवस्थामा उपचार भइरहेको प्रहरीले जनाएको छ । 

उपचारमा उनका श्रीमान डिल्ली संम्लग्न रहेको र घटना स्थल तर्फ प्रहरी चौकि चारआलीको प्रहरी  टोली खटिएको जिल्ला प्रहरी कार्यालय झापाले जनाएको छ ।