झापा । 

झापामा एउटा जंगली हात्ती मृत फेला परेको छ । मेचीनगर नगरपालिका वडा नम्बर ३, धरधरे टोलस्थित सुकेनिन्दा खोलाको किनारमा अन्दाजी ९-१० बर्षको एउटा जंगली (भाले) हात्ती मृत अवस्थामा फेला परेको छ । 

आज (बिहीवार) बिहान ७ः३० बजेको समयमा स्थानियले एउटा जंगली हात्ती मृत फेला परेको खबर गरेपछि प्रहरी टोल घटना स्थलमा गएर सुरक्षित राखेको प्रहरीले जनाएको हो । 

 थप अनुसन्धानको लागि डिभिजन वन कार्यालय, भद्रपुर र मेची सव–डिभिजन कार्यालय धाईजनबाट फिल्ड अफिसर कर्ण विश्चकर्मा सहितको टोली आई आवश्यक अनुसन्धान भइरहेको छ । 

थप पोष्टमार्टम तथा अन्य अनुसन्धानको लागि कोशीटप्पु बन्यजन्तु आरक्ष सुनसरीबाट बिशेषज्ञको टोली आउदै गरेको जिल्ला प्रहरी कार्यालय झापाले जनाएको छ ।