झापा । 

झापाको गौरीगञ्ज गाउँपालिका वडा नम्बर १ कुञ्जिवारीस्थित हुलाकी राजमार्गबाट लागू औषधसहित दुई जनालाई प्रहरीले पक्राउ गरेको छ । 

प्रहरी चौकी कुञ्जिबारीबाट खटिएको प्रहरी टोलीले झापा कमल गाउँपालिका वडा नं. १ का ३० बर्षिय उद्धव भट्टराई र दमक नगरपालिका वडा नं. ५ का २६ बर्षिय इन्द्रप्रसाद तिम्सिनालाई सोमबार पक्राउ गरेको हो । 

उनीहरुमाथि शंका लागेर चेकजाँच गर्दा उद्धव भट्टराईले लगाएको जुत्ता भित्र लुकाई छिपाई राखेको प्रतिबन्धित लागूऔषध ब्राउनसुगर ६ ग्राम ७३० मिलिग्राम फेला परेको थियो ।

उनीहरु दुवै जनालाई नियन्त्रणमा लिएर इलाका प्रहरी कार्यालय झिलझिलेबाट थप अनुसन्धान भइरहेको जिल्ला प्रहरी कार्यालय झापाले जनाएको छ ।