झापा ।  

झापाको मेचीनगर नगरपालिका वडा नम्वर–१५ लालझोडास्थित  भित्रि सडक खण्डमा भएको सवारी दुर्घटनमा एक जनाको मृत्यु भएको छ भने दुई जना गम्भीर घाइते भएका छन् । 

आज (शनिवार) बिहान ३ः३० बजेको समयमा भद्रपुरबाट धुलाबारीतर्फ आउँदै गरेको  प्रदेश १–०१–०१६ प ४१८  नम्बरको मोटर साईकल आफै  अनियन्त्रित भई  दुर्घटना भएको थियो । दुर्घटनामा मोटर साईकलमा सवार तीन जना घाइते भएर उपचारका लागि झापाको बिर्तामोडस्थित बीएण्डसी अस्पताल पठाइएको थियो । 

दुर्घटनामा मेचीनगर नगरपालिका –१० का २२ बर्षिय राजिब दनुवारलाई ५ः४० बजे चिकित्सकले मृत घोषणा  गरेको थिए । सोही स्थानका अन्दाजि २१ बर्षिय अभिषेक राई र २१ बर्षिय बिबेक दनुवार  शरिरको बिभिन्न भागमा चोट अवस्था गम्भिर घाइते रहेको जिल्ला प्रहरी कार्यालय झापाले जनाएको छ । सो घटनाको सम्बन्धमा थप अनुसन्धान भइरहेको प्रहरीले जनाएको छ ।