झापा ।  

झापाको झापा गाँउपालिका वडा नम्बर १ सालमारा झुलुङो पुलस्थित बगानबाट दुई जना भारतीय नागरिक लागू औषधसहित पक्राउ परेका छन् । पक्राउ पर्नेमा भारतको किशनगञ्ज  जिल्ला कुतवाभिट्टा नँया टोल बस्ने ४० बर्षिय जुलमात हुसेन र पछाडी सवार सोही स्थान बस्ने २० बर्षिय तोसिफ आमललाई चेकजाँच गर्ने क्रममा प्रतिबन्धित लागूऔषधसहित प्रहरीले पक्राउ गरेको हो । 

साईकलमायात्रीका रुपमा  आउँदै गरेका उनीहरुलाई बिहीवार राती ७ः२० बजेको समयमा इलाका प्रहरी कार्यालय कुमरखोदको प्रहरी टोलीले ब्राउन सुगरसहित नियन्त्रणमा लिएको थियो । 

चेकजाँच गर्ने क्रममा उनीहरुका साथबाट प्रतिबन्धित लागू औषध ब्राउनसुगर प्लाष्टिकसहित २० ग्राम ५५० मिलि ग्राम फेला परेकोले नियन्त्रणमा लिएर सो सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।