झापा । 

 झापाको मेचीनगर नगरपालिका वडा नम्वर १४ प्रणामी नगर टोलमा आगलागी हुँदा दुईलाख रुपैयाँ बराबरको क्षति भएको छ । गएराती ९ः५० को समयमा आगालागीमा मेचीनगर–१४ का उजेन बिर्जाको घरमा कोही पनि नभएको अवस्थामा अचानक आगोलागी भएको थियो । 

आगलागीको भन्ने खबर प्रहरी चौकि चारआली प्राप्त हुन साथ तत्काल प्रहरी टोली, स्थानियबासी, मेचिनगर नगरपालिकाको दमकल र प्रहरीको सहयोगमा गएराती १०ः२५ बजे आगो पुर्ण रुपमा नियन्त्रणमा आएको लिइएको थियो । 

उक्त आगलागीबाट घर भित्र रहेको लत्ता कपडा, भाडा बर्तन, फर्निचरका बिभिन्न सर–सामानहरु र घर आशिंक रुपमा जलेर नष्ट हुँदा अन्दाजी दुई लाख रुपैयाँ बराबरको क्षति भएको र  सो सम्बन्धमा थप अनुसन्धान कार्य भइरहेको जिल्ला प्रहरी कार्यालय झापाले जनाएको छ ।