झापा । 

झापाको कमल–४ स्थित चुलाचुली मोडमा सवारी दुर्घटनामा परी एक जनाको मृत्यु भएको छ ।  शनिवार (आज) ४ः३० बजेको समयमा दुई वटा मोटर साइकल र एउटा स्कुटर एक आपसमा ठोक्कीएका  हुन् । 

पश्चिमबाट पूर्वतर्फ आउन राजमार्ग क्रस गर्दै गरेको मे ६ प ३१५२ नम्बरको मोटरसाइकल, सोहि दिशाबाट आउँदै गरेको प्रदेश ०१ –०१६ प ८९९२ नम्बरको मोटरसाइकल र वीपरीत दिशाबाट गएको प्रदेश ०१–०१६ प ७१४० नम्बरको स्कुटर एक आपसमा ठोक्एिका थिए । 

दुर्घटनामा परी प्रदेश ०१ –०१६ प ८९९२ नम्बरको मोटरसाइकलमा पछाडी सवार कनकाई –३ का ७० बर्षिय रघुनाथ भट्टराईको मृत्यु भएको जिल्ला ट्राफिक प्रहरी कार्यालय झापाले जनाएको छ । दुर्घटनामा घाइते उनको उपचारका लागि अस्पताल लादै गर्दा बाटोमै मृत्यु भएको प्रहरीले जनाएको छ । 

त्यस्तै मे ६ प ३१५२ नम्बरको मोटरसाइकलमा सवार कमल २ बस्ने अन्दाजी ५५ बर्षिय वेदप्रसाद बजगांई सामान्य घाइते भएको जनाइएको छ । घटनाको बिषयमा थप अनुसन्धान भइरहेको प्रहरीले जनाएको छ । दुर्घटना भएका सवारी केर्खा प्रहरी चौकिको नियन्त्रणमा रहेको प्रहरीले जनाएको छ ।