हल्दीवारी ।
झापाको हल्दीवारी–३ स्थित डाँडागाउँमा आयोजना गरिएको श्रीमद्भागवत महापुराण सप्ताह ज्ञान महायज्ञको कोशी प्रदेशसभा सदस्य छविलाल चुडालले उद्घाटन गरेका छन् ।
राधाकृष्ण मन्दिर, स्थानीय शाखा हल्दिवारी ३ को आयोजनामा शुक्रवार (आज) पौष २७ बाट शुरु गरिएको महायज्ञ माघ ४ गतेसम्म सञ्चालन हुने पुराण आयोजक समितिले जनाएको छ । महायज्ञमा नेपालका ख्यातिप्राप्त युवा कथा वाचन आचार्य पण्डित बिष्णुप्रसाद भट्टराई र पण्डित उदय खनाल शात्रीले कथा वाचन गर्नेछन् ।
पुराण आयोजक समितिका अध्यक्ष चन्द्रप्रसाद दाहालको अध्यक्षतामा भएको उद्घाटन कार्यक्रमलाई प्रमुख अतिथि छविलाल चुडाल, वडा नम्बर ३ का अध्यक्ष बिस्णुप्रसाद ओली, वडा सदस्य बिष्णुमाया ढुङ्गेल, सनातन धर्म सेवा समिति जिल्ला सचिव लक्ष्मीप्रसाद दंगाल, सरस्वती आविका प्रअ गोविन्द बोहोरा लगायतले सम्बोधन गरेका थिए ।
उद्घाटन कार्यक्रममा स्वागत मन्तव्य अञ्जली भट्टराईगेरेकी थिइन् भने कार्यक्रमको सहजीकरण अभिषेक खतिवडाले गरेका थिए ।
_1642945611.jpg)
