उदयपुर ।

उदयपुरको त्रियुगा नगरपालिका–८ मदन भण्डारी राजमार्गमा हायसको ठक्करबाट साइकल यात्रीको मृत्यु भएको छ ।

पूर्वबाट पश्चिमतर्फ जाँदै गरेको प्र. १–०५–००१ ज ००३५ नम्बरको हायसले बिपरित दिशाबाट आउँदै गरेको साइकल यात्री रौतामाई गाउँपालिका–७ का ३८ बर्षीय तुलसी मङरातीलाई ठक्कर दिई दुर्घटना हुँदा घाईते भएका साईकल यात्रीको उपचारको क्रममा जिल्ला अस्पताल उदयपुरमा मृत्यु भएको हो । 

ठक्कर दिने हायस चालक त्रियुगा नगरपालिका–१० का ४५ बर्षीय किश्वर पाण्डेलाई हायससहित नियन्त्रणमा लिएर घटना सम्बन्धमा थप अनुसन्धान भईरहेको जिल्ला प्रहरी कार्यालय उदयपुरले जनाएको प्रदेश प्रहरीले जानकारी दिएको छ ।