झापा । 

झापाको शिवसताक्षी नगरपालिका वडा नम्बर १० स्थित वाणिज्य संघको निर्माणाधिन भवनमा एक जना मृत फेला परेका छन् । सुनसरीको धरान उपमहानगरपालिका वडा नम्बर ६ का अन्दाजी ४०/४२ बर्षका यमकुमार धमला मृत भेटिएका हुन् । 

शिवसताक्षी–१० को वाणिज्य संघको निर्माणाधिन भवनमा मागेर खाई हिड्ने पुरुष मानिस मृत अवस्थामा छ भन्ने खबर अस्थाई प्रहरी चौकी माइधारमा आएपछि बिहीवार (आज) माइधार प्रहरी चौकीको प्रहरी टोली गएर घटनास्थल सुरक्षित राखेको थियो । 

घटनास्थल अनुसन्धान तथा कानुनी प्रकृयाको लागि इलाका प्रहरी कार्यालय झिलझिलको टोली गएको थियो । मृतककी भाउजु उमा बिष्ट आएर सनाखत गरी कानुनी प्रकृया पुरा गरी लाशलाई पोष्ट मार्टमका लागि दमक अस्पताल दमक पठाइएको जिल्ला प्रहरी कार्यालय झापाले जनाएको छ ।