झापा । 

गएराती झापाको शिवसताक्षी नगरपालिका वडा नम्बर ११ स्थित दुधेमा जंगली हात्तीको आक्रमणबाट एक जनाको मृत्यु भएको छ । शुक्रवार (आज) राती अन्दाजी १ः४५ बजेको  समयमा हात्ती गाउँमा पसेपछि धपाउने क्रममा सोही स्थानका ४५ बर्षिय मेघराज राईलाई जंगली हात्तीले आक्रमण घर घटना स्थलमै मृत्यु भएको हो । 

शिवसताक्षी–११ स्थित टंकबहादुर राईको छोरा मृतक मेघराजको घरमा जंगलबाट एउटा हात्ती आएर  टाटीको बेरा, जस्ताको छानो भएको भुईतल्ले घरमा आक्रमण गरेर टाटिहरू भत्काएर घरभित्र रहेको सामानहरु समेत तोडफोड गरी एक लाख ५० हजार रुपैयाँ बराबरको क्षति भएको जिल्ला प्रहरी कार्यालय झापाले जनाएको छ । 

उक्त हात्तीलाई छिमेकिहरू समेतको सहयोगमा  धपाउने क्रममा मेघराजलाई घर देखि  ५० मि पूर्व बाटोमा सोहि हात्तीले आक्रमण गरी घटना स्थलमै मृत्यू भएको बताइएको छ । 

 हात्तीको आक्रमण गरेर लाश तत्काल घटना स्थलामा नै रहेको  तथा हात्ती जंगलतर्फ गएको भनि खबर स्थानियले  इलाका प्रहरी कार्यालय झिलझिलेमा जानकारी गराएपछि  उक्त स्थानमा प्रहरी टोली गएर घटना स्थल सुरक्षित राखेको छ । 

 बिहान ५ः२० बजेको समयमा घटनाको थप अनुसन्धान तथा कानुनी प्रकृया पूरा गरी लाशलाई पोष्ट मार्टमका लागि दमक हस्पिटल दमक पठाएको प्रहरीले जनाएको छ ।