काठमाडौं ।

मकवानपुरको भीमफेदी गाउँपालिका वडा नम्बर ६ जुरीखेतमा स्कुटर दुर्घटना एक जनाको मृत्यु भएको छ । काठमाडौंबाट हेटौंडा जाँदै गरेको ०२–०२७–प ४८४२ नम्बरको स्कुटर बुधबार साँझ दुर्घटना भएको हो ।

दुर्घटनामा स्कुटरको पछाडि सवार काठमाडौं–२७ महाबौद्धकी ६२ वर्षीया राज्यश्री थापा क्षेत्रीको मृत्यु भएको छ भने उनका श्रीमान घाइते भएका छन् ।

 दुर्घटनामा घाइते भएकी राज्यश्रीको उपचारको क्रममा बुधबार बेलुकी ७ः३० बजे हेटौंडा अस्पतालमा मृत्यु भएको जिल्ला प्रहरी कार्यालय मकवानपुरले जनाएको छ । उनका श्रीमान स्कुटर चालक ६५ वर्षीय शशीराज पाण्डे घाइते छन् । उनको हेटौंडा अस्पतालमा उपचार भइरहेको छ ।

उनीहरु सवार स्कुटर जुरिखेतको ओरालोमा अनियन्त्रित भई सडकबाट करिब एक सय मिटर तल खसेको थियो ।