बिर्तामोड ।
सिमान्तकृत पत्रकार महिलाहरुको क्षमता बिकास सम्बन्धि दुई दिने कार्यशाला गोष्ठी झापाको बिर्तामोडमा शुरु भएको छ । सञ्चारिका समुह नेपालको आयोजना तथा सञ्चारिका समुह झापाको संयोजनमा दुई दिने पत्रकारिता तालिम तथा सम्मान कार्यक्रमको बिहीवार (आज) बिर्तामोडमा उद्घाटन भएको हो ।
सञ्चारिका समुह नेपालकी अध्यक्ष बिमला तुम्खेवाको अध्यक्षतामा भएको कार्यक्रममा प्रमुख अतिथि उपसभामुख इन्दिरा राना मगरले गोष्ठीको उद्घाटन गरेकी हुन् ।
कोशी प्रदेश भरीका बिशेष गरी महिला पत्रकारहरुलाई लक्षित गरी तालिम तथा सम्मान कार्यक्रमको आयोजना गरेको समुहकी झापा अध्यक्ष लीला अनमोलले जानकारी दिइन् ।
समुहकी झापा अध्यक्ष अनमोलले कार्यक्रमको औचित्यमाथि प्रकाश पार्दै स्वागत गरेको कार्यक्रमको सञ्चालन समुहकी कोषाध्यक्ष सविना सुब्बाले गरेकी थिइन् । तालिम तथा गोष्ठीमा ४० जनाको सहभागीता रहने समुहकी झापा सचिव अनुषा चुडालले बताइन् ।
उद्घाटन कार्यक्रममा नेपाल पत्रकार महासंघ झापा अध्यक्ष एकराज गिरी, उपाध्यक्ष केशव भट्टराई, झापाका पत्रकार जन्य संघ/संगठनका प्रमुख तथा प्रतिनिधिलगायतको बाक्लो उपस्थिति रहेको थियो ।
_1642945611.jpg)
