उदयपुर।

उदयपुरको रौतामाई गाउँपालिका–८ पाखाटोल स्थित घरमा आगलागी हुँदा दुई बालबालिकाको जलेर मृत्यु भएको छ । शुक्रावर (हिजो) बेलुका सवा ५ बजे स्थानिय रामबहादुर मगरको ढुंगा माटोले बनेको दुईतले घरमा बिधुत सर्टभई आगलागी हुँदा उनको ६ बर्षीया छोरी जस्मिन मगर र २ बर्षीया छोरा रोजन मगरको जलेर मृत्यु भएको हो ।

घरमा आगलागी भएको जानकारी प्राप्त हुनासाथ तत्काल इलाका प्रहरी कार्यालय रौतामाईको प्रहरी टोली र स्थानिय बासीको सहयोगमा आगो ६ बजे नियन्त्रणमा लिएको थियो ।

अभिभावक नभएको अवस्थामा घरमा आगलागी हुँदा घर भित्र रहेका दुई जना बालबालिका घरबाट बाहिर निस्कन नसकी जलेर मृत्यु भएको जिल्ला प्रहरी कार्यालय उदयपुरले जनाएको छ ।

आगलागीबाट घरमा रहेका अन्नपात, लत्ता कपडा, भाडा बर्तन समेत जलेर करिव १० लाख बरावरको क्षति भएको प्रहरीले जनाएको छ ।