हल्दीबारी ।
झापाको हल्दीबारी गाउँपालिका वडा नं ४ मा अवस्थित पाथीभरा कालीका सामुदायिक वन उपभोक्ता समुहको आगामी चैत्र ४ गते हुने निर्वाचनका लागि मनोनयन दर्ता आज हुने भएको छ ।
समुहको कार्यसमितिको समयावधि सकिएपछि नयाँ नेतृत्व चयन गर्न बनाइएको निर्वाचन समितिले उम्मेद्ववारी मनोनयन दर्ताका लागि सूचना जारी गरेको हो । निर्वाचन समितिले निर्वाचनका लागि कार्यतालिका समेत सार्वजनिक गरेको निर्वाचन समितिका संयोजक योगेश कार्कीले जानकारी दिएका छन् ।
वनको कार्यविधिमा अध्यक्ष र कोषाध्यक्ष मध्ये १ जना महिला र उपाध्यक्ष र सचिब मध्ये १ जना महिला अनिवार्य भनिएकोले जनप्रतिनिधि, राजनीति दलका प्रमुख साथै सम्पूर्ण टोली नेताको भेलाबाट निर्वाचन समितिले उपाध्यक्ष र कोषाध्यक्षमा महिला अनिवार्य गरेको थियो ।
मनोनयन दर्ता फागुन २७ गते आज शनिबार र निर्वाचन चैत ४ गते शनिवार हुने जनाइएको छ ।
यस्तो छ निर्वाचनको समय तालिका :
_1642945611.jpg)
