सुनसरी  ।

सुनसरीको बराहक्षेत्र नगरपालिका–३ बाट मोटरसाईकल चोरीमा सम्लग्न तीन जनालाई चोरी गरेको मोटरसाईकलसहित प्रहरीले पक्राउ गरेको छ ।

पक्राउ पर्नेमा बराहक्षेत्र–१ का ३४ बर्षीय सजन श्रेष्ठ, धरान–४ का २८ बर्षीय विश्वराज राई र धरान–१३ का २३ बर्षीय रतिस श्रेष्ठ रहेका छन् ।

अस्थायी प्रहरी चौकी नहडाको प्रहरी टोलीले चेकजाँचको क्रममा गत माघ ६ धरान–११ का सुरज तामाङको घरमा पार्किङ गरी राखेको अवस्थामा चोरी भएको प्रदेश १–०२–०४०प २८१८ नम्बरको मोटरसाईकलको नम्वर प्लेटलाई को ३८ प ८०६५ लेखि चलाई रहेको अवस्थामा उनीहरुलाई पक्राउ गरेको हो ।

पक्राउ परेका तीनै जनाको इलाका प्रहरी कार्यालय धरानबाट थप अनुसन्धान भईरहेको प्रदेश १ प्रहरीले जनाएको छ ।