झापा । 

झापाको मेचीनगर नगरपालिका वडा नं. १० का ४८ बर्षिय भेषराज खनाल मृत अवस्थामा फेला परेका छन् । गत माघ २५ गते अन्दाजी बिहान १० बजे घरबाट सहकारीको पैसा कलेक्सनको लागि निस्केकोका  खनाल बुधवार अन्दाजी दिउँसो २ बजे मृत फेला परेका हुन् । 

भेषराज सम्पर्कमा नआएपछि गत माघ २६ गते उनका भाई तोयानाथ खनाल ईलाका प्रहरी कार्यालय धुलाबारीमा हुलिया सहितको निवेदन दिएको थिए । 

सम्पुर्ण प्रहरी कार्यालयहरुलाई हुलिया परिपत्र गरी खोजतलास भइरहेको अवस्थामा झापा हल्दिबारी गाउँपालिका वडा नं.५ स्थित शान्ति सामुदायिक वनमा सखुवाको रुखमा झुण्डीएको अवस्थामा भेषराज मृत अवस्थामा फेला परेको प्रहरीले जनाएको छ ।

मृत अवस्थामा फेला परेका भेषराजको  कानुनी प्रकृया पुरा गरी मोष्टमार्टमको लागि मेची अस्पताल भद्रपुर पठाइएको साथै सो सम्बन्धमा थप अनुसन्धान भइरहेको जिल्ला प्रहरी कार्यालय झापाले जनाएको छ ।