मोरङ ।

मोरङको पथरीशनिश्चरे नगरपालिका–६ बाट लागूऔषध गाँजासहित दुई जनालाई प्रहरीले पक्राउ गरेको छ ।

पथरीशनिश्चरे–६ का ३४ बर्षीय बज्र मोहन यादबले घरमा लागूऔषध गाँजा संचय तथा विक्रीबितरण गरिरहेका छन भन्ने बिशेष सुचनाको आधारमा प्रहरी चौकी कुशेचौरी र अस्थायी प्रहरी चौकी हसन्दहको प्रहरी टोलीले उनको घर कोठा खानतलासी गर्दा कोठाबाट ८ किलो ग्राम गाँजा बरामद गरेको र सोही स्थानका ४१ बर्षीय सुरेन यादबलाई ५०० ग्राम गाँजासहित पक्राउ गरेको हो ।

लागूऔषध गाँजासहित पक्राउ परेका दुवै जनाको इलाका प्रहरी कार्यालय पथरीबाट थप अनुसन्धान भईरहेको प्रहरीले जनाएको छ ।