सुनसरी ।

सुनसरीको इटहरी उप–महानगरपालिका–६ को कविर माध्यमिक बिद्यालयबाट ल्यापटप–२ थान र टिभी १ थान चोरी गरी तत्काल फरार भएका एक जनालाई प्रहरीले पक्राउ गरेको छ ।

पक्राउ पर्नेमा धरान उप–महानगरपालिका–१५ सुनसरीका २९ बर्षीय गौतम राई रहेका छन् । चोरी गर्ने राईको सिसि व्यामेरामा चोरी गर्दै गरेको फुटेज कैद भएकोले हुलिया परिपत्र गरी खोजतलास गर्ने क्रममा मंगलबार ईलाका प्रहरी कार्यालय रानीको प्रहरी गस्ती टोलीले नेपाल भारतको सिमा नजिक सडकमा समानसहित फेला पारी पक्राउ गरेको हो ।

पक्राउ परेको राईको ईलाका प्रहरी कार्यालत रानीले थप अनुसन्धान गरिरहेको प्रदेश प्रहरीले जनाएको छ ।