बिर्तामोड ।
झापा बिर्तामोड नगरपालिका वडा नम्बर ९ डाँडागाउँबाट प्रतिबन्धित लागू औषधसहित दुई जनालाई प्रहरीले पक्राउ गरेको छ ।
ईलाका प्रहरी कार्यालय अनारमनीको प्रहरी टोलीले गोप्य सुचनाको आधारमा बिर्तामोड– ९ डाँडागाउँ का २२ बर्षिय अर्जुन आले मगर र बिर्तामोड–१० का ३८ बर्षिय कृष्ण लिम्बुलाई पक्राउ गरेको हो ।
उनीहरुलाई चेकजाँच गर्ने क्रममा प्रतिबन्धित लागू औषध ब्राउन सुगर जस्तो देखिने खैरो पदार्थ १ ग्राम र नगद १० हजार ५०० रुपैयाँ फेला परेको प्रहरीले जनाएको छ ।
उनीहरु दुवै जनालाई नियन्त्रणमा लिएर ईलाका प्रहरी कार्यालय अनारमनीमा राखेर थप अनुसन्धान कार्य भईरहेको जिल्ला प्रहरी कार्यालय झापाले जनाएको छ ।
_1642945611.jpg)
