बुद्धशान्ति।

 झापाको बुद्धशान्ति गाउँपालिका वडा नम्बर १ ले वडाका तीन ठाउँमा फलैचा निर्माण गरेको छ । विकास क्रममा रहेका ठाउँहरू छनौट गरी ब्यवसायिक ठाउँको बिस्तार गर्न, चोक क्षेत्रका नागरिक भेला भएर भलाकुसारी गर्न, विश्रामालय तथा प्रतीक्षालयको रूपमा प्रयोग हुने गरी फलैचा निर्माण गरिएको वडा अध्यक्ष अनिल वाग्लेले बताएका छन् । 

तीन लाख रूपैयाँको बजेटमा ती फलैचा निर्माण गरिएको वडाले जानकारी दिएको छ । वडाको शान्ति चोक, होक्से चोक र मगर चोकमा फलैचा निर्माण गरिएको हो ।

फलैचा निर्माण गरिएको क्षेत्र आसपासमा व्यवसायिक सटर निर्माण गरेर व्यवसायिक कारोवार गर्न सकिने गरी वडाले ती ठाउँमा फलैचा बनाएको हो । वडाले हरेक बर्ष फलैचा निर्माण गर्ने योजना बनाएको छ ।