झापा । 

नेपाल पत्रकार महासंघ प्रदेश सदस्य तथा पूर्वाञ्चल दैनिकका सह–सम्पादक सुरेन्द्र भण्डारीको घरमा जंगली हात्तीले क्षति गरेको छ । 

पत्रकार भण्डारीको बाह्रदशी गाउँपालिका –३ स्थित प्रतिभा चोकको मूल घर हात्तीले भत्काएको हो । राति १ बजेतिर १४ वटाको संख्यामा आएका हात्तीले आफ्नो टीनको छानो भएको पक्की घर भत्काएको पत्रकार भण्डारीले बताए ।

 स्थानीयवासी र राजगढबाट प्रहरी आएपछि हात्तीलाई धपाइएको उनले बताए । मूल घर बाह्रदशीमा भएपनि उनी लक्ष्मीपुरमा बस्दै आएका छन् ।