झापा ।

सुनसरीको वराहक्षेत्र नगरपालिका वडा नम्बर ५ का ६५ बर्षिय धनबहादुर माझीको जंगली हात्तीको आक्रमणबाट मृत्यु भएको छ । वराहक्षेत्र–सिमरवनमा जंगली हात्तीले  आक्रमण गर्दा उनको ज्यान गएको हो ।

 माझीको मङ्गलबार बिहान ११ बजेतिर हात्तीको आक्रमणबाट घटनास्थलमै मृत्यु भएको प्रहरीले जनाएको छ । माझी जनजागृति सामुदायिक वनमा घाँस काट्न गएको बेलामा आक्रमण गरेको प्रहरीले जनाएको छ । 

हात्तीले टाउकोमा किचेर मारेको अवस्थामा शव भेटिएको प्रहरीले जनाएको छ ।