मेचीनगर । 

 बहुवन सामुदायिक वन उपभोक्ता समितिको   ३४ औं साधारण सभा तथा उपभोक्ता भेला कार्यक्रम सम्पन्न भएको छ। झापाको मेचीनगर नगरपालिका –३ स्थित डाँडा गाउँमा रहेको सामुदायिक वन कार्यलयमा कार्यक्रम सम्पन्न भएको हो।

 सभाको अध्यक्षता निवर्तमान अध्यक्ष भुवन बिक्रम थापा मगरले गरेको कार्यक्रममा वडा नं ३ का वडाध्यक्ष हर्कबहादुर बस्नेतको प्रमुख आतिथ्य रहेको थियो । 

 कार्य समितिको आय ब्यय तथा लेखापाल विवरण क्रमशः भुवन बिक्रम मगर र इन्द्र कुमार ठाडा मगरले प्रस्तुत गरेका थिए। सोही कार्यक्रमका बिच मेचीनगर–३ भित्रका बिद्यालयका केही गरिव तथा जेहेन्दार बिद्यार्थीहरुलाई छात्रवृत्ति रकम समेत वितरण गरिएको थियो। 

कार्यक्रममा वडा नं २ र ३ भित्रका उपभोक्ताहरुको उल्लेख्य सहभागीता रहेको कार्यक्रमको सञ्चालन श्याम पुलामीले गरेका थिए ।