झापा ।

 यात्रुवाहक बस दुर्घटना हुँदा छ जनाको मृत्यु भएको छ भने १६ जना घाइते भएका छन्। पाल्पाको रैनादेवी छहरा गाउँपालिका–८ खुर्सानेमा ग १ ख ४९७७ नम्बरको बस दुर्घटना हुँदा छ जनाको मृत्यु भएको हो भने १६ जना घाइते भएका हुन् । 

गएराति १० बजे  रूपन्देहीको सालझण्डीबाट यात्रु लिएर पाल्पाको रैनादेवी छहराको खुर्साने गइरहेको उक्त बस गन्तव्य पुग्नै लाग्दा बुढीदमार भन्ने स्थानमा दुर्घटना भएको थियो । बस सडकबाट ५० मिटर तल भिरमा खसेको र रातको समय जंगल क्षेत्रमा दुर्घटना भएका जनाइएको छ । 

मृत्यु हुनेमा वर्ष ५४ की खीमकुमारी राना, वर्ष ११ की सरुमाया घिमिरे, वर्ष ३३ निर्मला घिमिरे, वर्ष ४५ कि बुनु गाहा, वर्ष २१ की  दानकुमारी खत्री र वर्ष १९ कि बिना पाण्डे रहेका छन्।

घाइते सबैलाई लुम्बिनी प्रादेशिक अस्पताल बुटवल पठाइएको छ भने घाइते मध्ये तीन जनाको अवस्था गम्भीर जनाइएको छ।