अर्जुनधारा।

 झापाको अर्जुनधारा–९ मा रहेको चारघरे चोकका स्थानीयको घरमा गएराती जंगली हात्तीले क्षति पुर्याएको छ । राती अन्दाज १० बजे आएको एउटा जङ्गली हात्तीले अभिषेक खतिवडाको मुलघरको भण्डारमा क्षति पुराएको हो। 

खतिवडाको घरको भण्डारमा राखेको पिठो खाएर, छरेर बिग्रार गरेसँगै एक मनको धानको बोरा बोकेर हिडेको खतिवडाकि काकी अम्बिका तिम्सिना खतिवडाले जानकारी दिइन् । 

जंगली हात्तीले टिनको बेरामासमेत क्षती पुर्याएको छ । केही दिनदेखि जंगली हात्ती  घरमा आइरहेको र टोललाई नै दुःख दिइराखेको स्थानीयको गुनासो छ । यो सँगै झापामा पछिल्लो समय हात्तीको बिगबिगी बढेको पाइएको छ ।