बिर्तामोड ।
झापाको बिर्तामोडस्थित दुर्गामन्दिर उत्तरमा रहेको प्रसाई मार्केटमा आगलागी भएको छ । आगलागीबाट करिब ५ करोडको क्षति भएको प्रारम्भिक अनुमान गरिएको छ ।
मंगलबार(आज) विहान ८ः३० बजे राजु वंशलले सञ्चालन गरेको बंशल रेडिमेड कपडा पसलमा आगलागी भएको थियो ।
दमक, मेचीनगर, बिर्तामोड, कनकाई र भद्रपुरको वारुणयन्त्र, नेपाल प्रहरी, नेपाली सेना र सर्वसाधारणको सहयोगमा करिब १ घण्टापछि आगो पूर्ण रुपमा नियन्त्रणमा लिइएको इलाका प्रहरी कार्यालय अनारमनीका प्रमुख डीएसपी रुगमबहादुर कुँवरले जानकारी दिए ।
बिद्युत सर्ट भएर आगलागी भएको अनुमान गरिएको छ ।
_1642945611.jpg)
