उदयपुर।

उदयपुरको दुई स्थानमा मोटरसाईकल दुर्घटना हुँदा दुई जना मोटरसाईकल चालकको मृत्यु भएको छ । बेलका नगरपालिका–१ स्थितमा प्रदेश १–०२–०४६ प ४५३६ नम्वरको मोटरसाईकल आफै अनियन्त्रिय भई दुर्घटना हुँदा मोटरसाईकल चालक स्थानिय ३५ बर्षीय धनबहादुर तामाङ घाईते भई उपचारको लागि स्थानिय स्थास्थ्य चौकी लगिएकोमा चेकजाँचको क्रममा डाक्टरले मृत घोषणा गरेका थिए ।

त्यसैगरी साँझ साढे ७ बजे कटारी नगरपालिका–११ स्थित सगरमाथा राजमार्गमा अनटेष्ट मोटरसाईकल अनियन्त्रित भई दुर्घटना हुँदा मोटरसाईकल चालक कटारी–११ का २४ बर्षीय यम्बर बहादुर श्रेष्टको घटना स्थलमा नै मृत्यु भएको हो ।

दुर्घटना सम्वन्धमा सम्वन्धित प्रहरी कार्यालयबाट थप अनुसन्धान भईरहेको जिल्ला प्रहरी कार्यालय उदयपुरले जनाएको प्रदेश प्रहरीले जानकारी दिएको छ ।