बिराटनगर ।

१ नम्बर प्रदेश प्रहरी श्रीमती संघ कि अध्यक्ष श्रीमती कल्पना गिरी तथा संघका पदाधिकारीहरुले बिराटनगर स्थित मानव सेवा आश्रममा आश्रित आमाहरुलाई भोजन गराएका छन् ।

‘सेवा नै धर्म हो’ भन्ने भावनाले अभिप्रेरित कार्यक्रम अनुसार मंगलबार (आज)आज बिहान प्रदेश प्रहरी श्रीमती संघ कि अध्यक्ष गिरीले आश्रममा रहेका बृद्धा  असहाय आमाहरुलाई बिहानको भोजन गराएकी हुन् । 

प्रदेश प्रहरी श्रीमती संघ कि अध्यक्ष गिरीले मानव सेवा आश्रमले बेसहारा, असहाय, अनाथ, अभिभावक विहीन तथा सडक आश्रित मानवको उद्धार गरी सेवा प्रदान गरिरहेकोमा मानव सेवा आश्रमलाई धन्यवाद दिएकी छिन् ।

उनले १ नं. प्रदेश प्रहरी श्रीमती संघ पनि यस्ता बिविध सामाजिक कार्यहरुमा निरन्तर रुपमा हातेमालो गर्दै मानव सेवाको लागि कल्याणकारी कार्यहरु गरिरहने बताइन् ।