सुरुङ्गा । 

झापाको कनकाई नगरपालिका वडा नम्बर १ को सहजिकरण महिला समुहको आयोजनामा उद्घोषण तथा माइन्यूट लेखन बिषयक चारदिने तालिम शुरु भएको छ । 

समुहको आयोजना तथा कनकाई नगरपालिका वडा नम्बर १ को आर्थिक सहयोगमा शनिवार (आज) देखि शुरु भएको तालिमको उद्घाटन कनकाई नगर प्रमुख राजेन्द्रकुमार पोखरेलले उद्घाटन गरेका हुन् । आजबाट शुरु भएको तालिम कार्तिक १ गतेसम्म हुने समुहकी सचिव निर्मला बस्नेतले जानकारी दिइन् । 

४० जना महिलाहरुको सहभागीता रहेको तालिमको सहजीकरण नेपाल पत्रकार महासंघ झापाका उपाध्यक्ष केशव भट्टराई र नारी सञ्चार गृहकी अध्यक्ष भिमा शिवाकोटी सहजीकरण गर्ने जनाइएको छ । 

समुहकी अध्यक्ष लीलादेबी प्याकुरेलको अध्यक्षतामा भएको उद्घाटन कार्यक्रममा नगर प्रमुख पोखरेलको प्रमुख आतिथ्य रहेको थियो भने कनकाई १ का वडाध्यक्ष सुशिलकुमार पोखरेलको बिशिष्ठ आतिथ्य रहेको थियो । स्वागत समुहकी उपाध्यक्ष कामना पौडेलले गरेकी थिइन् भने कार्यक्रमको औचित्यमाथि प्रकाश समुहकी सह–सचिव संगीता भुजेलले पारेकी थिइन् । 

उद्घाटन कार्यक्रममा नगर प्रमुख पोखरेल, वडा न १ का वडाध्यक्ष  सुशीलकुमार पोखरेल,  प्रजापति युवा क्लवका अध्यक्ष  ईश्वर किरण सुवेदी,  कनकाई युवा क्लबका अध्यक्ष मनोज बस्नेत, नमुना महिला समुह अध्यक्ष  गोमा न्यौपाने , प्रजापति सामुदायिक बनका कार्यवाहक अध्यक्ष  दलबहादुर बिक वडा न १ का महिला सदस्य निर्मला खड्का, बिहानी महिला समुहकी अध्यक्ष  रिता उप्रेतीलगायतले शुभकामना मन्तव्य राखेका थिए । कार्यक्रमको सञ्चालन समुहकी सचिव निर्मला बस्नेतले गरेकी थिइन् ।